கிளிநொச்சியில் மின்னல் தாக்கி குடும்பஸ்தர் உயிரிழப்பு!

கிளிநொச்சி முழங்காவில் இரணைமாதா நகர் பகுதியில் மின்னல் தாக்கி ஒருவர் உயிரிழந்துள்ள சம்பவம் சோகத்தை ஏற்படுத்தியுள்ளது.

இன்று (சனிக்கிழமை) மாலை பெய்த கனமழையின் போது மின்னல் தாக்கி கணவன் மனைவி இருவரும் பாதிக்கப்பட்டுள்ளனர்.

இந்த சம்பவத்தில் 45 வயதான ஜெனிற்றா என்பவர் உயிரிழந்துள்ளார்.

48 அகவையுடைய கணவர் ரூபன் காயம் அடைந்து கிளிநொச்சி வைத்திய சாலையில் சிகிச்சைக்காக அனுமதிக்கப்பட்டுள்ளார்.

யாழில் தனியார் பேருந்தை முச்சக்கரவண்டி மோதி விபத்து!

யாழ். பருத்தித்துறையில் பயணிகளை நின்று ஏற்றிய தனியார் பேருந்தை முச்சக்கரவண்டி மோதி விபத்துக்குள்ளாகியுள்ளதாக தெரிவிக்கப்படுகிறது.

இன்று (சனிக்கிழமை) பருத்தித்துறை வீதி மூத்த விநாயகர் ஆலய அருகில் இந்த விபத்து ஏற்பட்டுள்ளது.

யாழ். பருத்தித்துறையில் பற்றி எரிந்த மதுபானக் கடை!

யாழ். வடமராட்சி பகுதியிலுள்ள மதுபான விற்பனை நிலையம் ஒன்றில் தீ விபத்து ஏற்பட்டுள்ளதாக தெரியவருகிறது.

பருத்தித்துறையிலுள்ள மதுபானக் கடையில் இன்று (சனிக்கிழமை) அதிகாலை 3 மணியளவில் இந்த தீ விபத்து ஏற்பட்டுள்ளதாக தெரியவருகிறது.

நீண்ட போராட்டத்திற்குப் பின் தீயணைப்பு படையினர் தீயைக் கட்டுக்குள் கொண்டுவந்துள்ளனர்.

இருப்பினும் விற்பனை நிலையம் முற்றாக நாசமாகியுள்ளது என்று கூறப்படுகின்றது.

இதேவேளை, பருத்தித்துறையில் பிரசித்தி பெற்ற சிவன் ஆலயத்திற்கு மிக அருகாமையில் இருந்த இந்த மதுக்கடையினை அகற்ற வேண்டுமென பலர் கோரியிருந்தனர்.

இந்த நிலையிலேயே குறித்த மதுக்கடை தீப்படித்து எரிந்துள்ளது.