வித்தியா வழக்கில் இன்று நடந்தது என்ன?

புங்குடுதீவு மாணவி சிவலோகநாதன் வித்தியாவின் படுகொலை வழக்கில் 1 ஆம் எதிரி மற்றும் 7 ஆம் எதிரிகள் சார்பாக சாட்சியங்கள் எதுவுமில்லை.

2, 3, 4,5,6,8,9 ஆம் எதிரிகளின் குற்றச்சாட்டுக்கள் சந்தேகத்திற்கு அப்பால் நிரூபிக்கப்பட்டுள்ளதாக பிரதி சொலிஸ்டர் குமார் ரட்ணம் ரயல் அட்பார் நீதிபதிகள் முன்னிலையில் தெரிவித்தார்.

வித்தியாவின் கூட்டுவன்புணர்வு படுகொலை வழக்கின் விசாரணைகள் யாழ்.மேல் நீதிமன்ற நீதிபதி மா.இளஞ்செழியன், திருகோணமலை மேல் நீதிமன்ற நீதிபதி அன்னலிங்கம் பிரேமசங்கர் மற்றும் வவுனியா மேல் நீதிமன்ற நீதிபதி பா.சசிமகேந்திரன் ஆகிய மூன்று நீதிபதிகள் அடங்கிய ரயல் அட் பார் முன்னிலையில் கடந்த 3 மாதங்களாக விசாரணைகள் முன்னெடுக்கப்பட்டு வந்தன.

விசாரணையின் இறுதியாக சட்டத்தரணிகளின் தொகுப்புரைக்காக ரயல் அட் பார் இன்று (12.09) கூடியது.

முதலில் வழக்குத் தொடுநர் சார்பாக பிரதி சொலிஸ்டர் குமார் ரட்ணம் தனது சமர்பணத்தினை ஆரம்பித்தார்.

புங்குடுதீவு கிராமத்தில் நடந்த குற்றச்செயல் தொடர்பாக சட்டமா அதிபரின் சிபார்சுக்கு அமைவாக பிரதம நீதியரசரினால் ரயல் அட்பார் நியமிக்கப்பட்டது.

அதன் மூலம் மூன்று நீதிபதிகள் நியமிக்கப்பட்டு இந்த வழக்கு விசாரணைக்கு எடுத்துக்கொள்ளப்பட்டு வருகின்றது.

குற்றப்பகிர்வு பத்திரத்தில் 9 எதிரிகள் மீது 41 குற்றச்சாட்டுக்கள் முன்வைக்கப்பட்டுள்ளன. 43 சாட்சியங்கள், 27 சான்றுப்பொருட்கள் மீதான தொகுப்புரையின் சமர்ப்பணத்தினை மன்றில் ஆற்றினார்.

தொகுப்புரையின் இறுதியில், 1 மற்றும் 7 ஆம் எதிரிகள் மீதான குற்றச்சாட்டின் சாட்சியங்கள் இல்லை என்றும் 2,3,4,5,6, 8 மற்றும் 9 ஆம் எதிரிகளின் மீதான கடத்தல் மற்றும் கற்பழிப்புக் குற்றச்சாட்டுக்கள் சந்தேகத்திற்கு அப்பால் நிரூபிக்கப்பட்டுள்ளதாக பிரதி சொலிஸ்டர் தெரிவித்தார்.

அதனைத் தொடர்ந்து, எதிரிகள் சார்பான சட்டத்தரணிகள் அட்பார் முன்னிலையில் தொகுப்புரையின் சமர்ப்பணத்தினை அளிப்பதற்காக நாளை வரை (புதன்கிழமை) ரயல் அட் பார் ஒத்திவைக்கப்பட்டுள்ளது.

ஜிமிக்கி கம்மல் பாடலின் தமிழ் அர்த்தம் தெரியுமா?

அண்மையில் வெளிவந்த ஜிமிக்கி கம்மல் எனும் மலையாளப் பாடல் பிரபல்யம் அடைந்துள்ளது அனைவரும் அறிந்ததே.

அந்த பாடலின் முன் இரண்டு வரிகளதும் அர்த்தம் என்னவென்று தெரியுமா?

”என்டம்மெட ஜிமிக்கி கம்மல்! 
என்டப்பன் கட்டொண்டு போயே! 
என்டப்பன்டெ பிராந்தி குப்பி! 
என்டம்மா குடிச்சு தீர்த்தே!”

அதாவது ”என்னுடைய அம்மாவின் ஜிமிக்கி கம்மலை அப்பா திருடிக்கொண்டு போய் அதை விற்று சாராயம் வாங்கிக்கொண்டு வந்தார்.

இதனால் கோபமடைந்த அம்மா அந்த சாராயப்போத்தலை எடுத்து தானே முழுவதையும் குடித்துத் தீர்த்துட்டாள்” என்பதே அதன் அர்த்தம்.

இந்த அர்த்தம் புரியாமல் பலர் இந்தப் பாடலை பலர் ரசிக்கின்றனர்.

கோரவிபத்து: வேனும் மின்கம்பமும் நொருங்கியது (படங்கள்)

 மட்டக்களப்பு வந்தாறுமூலை கிழக்கு பல்கலைக்கழகம் முன்னால் இடம்பெற்ற விபத்தில் வேனும் மின்கம்பமும் நொருங்கியுள்ளது.

 கிழக்கு பல்கலைக்ககழகம் முன்பாகவுள்ள மின் கம்பமொன்றில் கொழும்பிலிருந்து கல்முனை நோக்கி செல்லவந்த 61- 3348 இலக்க வேனொன்று மோதி இந்த விபத்து சம்பவித்துள்ளது.

 இந்த விபத்தினால் பலத்த சேதமுற்று பிரயாணிகள் மூவர் காயமடைந்து வைத்தியசாலையில் சிகிச்சைக்காக அனுமதிக்கப்பட்டுள்ளனர்.

27 பேரை கொலை செய்த விவகாரம்: விசாரணையின் பிடியில் கோத்தா

2012 ஆம் ஆண்டு வெலிக்கடை சிறைச்சாலையில் கைதிகள் 27 பேரை துப்பாக்கிப் பிரயோகம் மேற்கொண்டு கொலை செய்த சம்பவம் தொடர்பில் விசாரணைகள் முன்னெடுக்கப்படவுள்ளது.

முன்னாள் பாதுகாப்புச் செயலாளர் கோத்தபாய ராஜபக்ச முன்னாள் இராணுவத் தளபதி ஜகத் ஜயசூரிய, முன்னாள் சிரேஷ்ட பிரதிப் பொலிஸ் மா அதிபர் அனுர சேனாநாயக்க ஆகியோரிடம் விசாரணைகள் மேற்கொள்ளப்படவுள்ளது.

அத்துடன் பாதுகாப்புத் துறை உத்தியோகத்தர்கள் பலர் குற்றப் புலனாய்வுத் திணைக்களத்துக்கு அழைத்து விசாரணை மேற்கொள்ளப்படவுள்ளதாக தெரியவருகின்றது.

இது தொடர்பில் இராணுவம், பொலிஸ் மற்றும் சிறைச்சாலை என்பவற்றிலுள்ள பலரிடம் வாக்கு மூலம் பெறப்பட்டுள்ளதாகவும் பொலிஸ் தலைமையக தெரிவித்துள்ளது.

இச்சம்பவத்துடன் முன்னாள் இராணுவத் தளபதி ஜகத் ஜயசூரிய நேரடியாக தொடர்புபடுவதாக முன்னாள் இராணுவத் தளபதி பீல்ட் மார்ஷல் சரத் பொன்சேகா குற்றம் சாட்டியிருந்தமை குறிப்பிடத்தக்கது.