சென்னையில் பற்றி எரிந்த தனியார் பேருந்து: 42 பயணிகளின் நிலை..?

பெங்களூரில் இருந்து சென்னைக்கு சென்ற தனியார் ஆம்னி சொகுசு பேருந்து ஒன்று தீப்பிடித்து எரிந்துள்ளது.

இன்று (சனிக்கிழமை) காலை 8.20 மணியளவில் இந்த சம்பவம் இடம்பெற்றுள்ளது.

குறித்த பேருந்தில் 42 பயணிகள் இருந்ததாகவும், ஆனால் தெய்வாதீனமாக யாரும் எவ்வித பாதிப்பும் இல்லையெனவும் தெரியவருகிறது.

குறித்த தனியார் பேருந்து திருமழிசை சிக்னலில் நின்று கொண்டிருந்தது. அப்போது பஸ்சின் பின்பக்கத்தில் உள்ள என்ஜினில் இருந்து புகை வெளியே வந்தது. இதை பஸ் அருகே நின்று கொண்டிருந்த வாகன ஓட்டிகள் பார்த்து அதிர்ச்சி அடைந்தனர்

உடனே பேருந்து சாரதியிடம் புகை வெளியே வருவது குறித்து தெரிவித்தனர். அவர் துரிதமாக செயல்பட்டு பயணிகளை உடனடியாக பேருந்தை விட்டு வெளியேற்றியுள்ளார்.

சிறிது நேரத்தில் என்ஜினில் தீப்பிடித்து பேருந்து முழுவதும் எரிந்து நாசமாகியுள்ளது.

சம்பவ இடத்திற்கு வந்த தீயணைப்பு குழுவினர்,  கடுமையாக போராடி தீயை சுமார் 1 மணி நேரத்திற்கு பிறகு தீயை அணைத்தனர்.