வவுனியாவில் விபத்து: ஒருவர் உயிரிழப்பு

 வவுனியா கல்குண்ணாமடுவ பகுதியில் இடம்பெற்ற  வாகன விபத்தில் ஒருவர் உயிரிழந்துள்ளார்,

இன்று (புதன்கிழமை) அதிகாலை 4.45 மணியளவில் இடம்பெற்ற இந்த விபத்தில் ஒருவர் உயிரிழந்துள்ளதுடன், 3வர் படுகாயமடைந்தv நிலையில் வவுனியா மாவட்ட பொது வைத்தியசாலையில் அனுமதிக்கப்பட்டுள்ளதாக பொலிசார் தெரிவித்தனர்.

 அனுராதபுரத்திலிருந்து வவுனியா நோக்கி பயணித்த ஓடுகளை ஏற்றிச்சென்ற வாகனம் கல்குண்ணாமடுவ பகுதியில் எவ்வித சமிக்ஞைகளுமின்றி தரித்து நின்றபோது, அதே பாதை வழியே பயணித்த வீட்டின் மேல் கூரை அலங்கரிப்பு பொருட்களை ஏற்றிச்சென்ற வாகனம் தரித்து நின்ற வாகனத்தின் மீது மோதியே இந்த சம்பவித்துள்ளது.

 இவ்விபத்தில் தரித்து நின்ற வாகனத்தில் பயணித்த வன்னிமுத்து கிஸ்ணன் (வயது-48) என்பவர் உயிரிழந்துள்ளதாக தெரியவருகிறது.

அத்துடன் மூவர் காயமடைந்த நிலையில் வவுனியா மாவட்ட பொது வைத்தியசாலையில் அனுமதிக்கப்பட்டுள்ளனர்.

இச் சம்பவம் தொடர்பான மேலதிக விசாரணைகளை வவுனியா போக்குவரத்து பொலிசார் மேற்கொண்டுள்ளனர்.