3 கிலோ கேரளா கஞ்சாவைக் கைப்பற்றிய விசேட அதிரடிப்படையினர்!

யாழ். சங்கானை பகுதியில் 3 கிலோ கேரளா கஞ்சா விசேட அதிரடிப் படையினரால் கைப்பற்றப்பட்டுள்ளதுடன் இருவர் கைது செய்யப்பட்டுள்ளனர்.

சங்கானைப் பகுதியில் விசேட அதிரடிப் படையினரால் இன்று (செவ்வாய்க்கிழமை) மேற்கொள்ளப்பட்ட பரிசோதனையின் போது கஞ்சா 2 கிலோவும் 650 கிராமும் நிறையுடைய கஞ்சா பொதிகள் கைப்பற்றியுள்ளனர்.

கைதுசெய்யப்பட்ட ஏழாலை மற்றும் கரவெட்டி பகுதியைச் சேர்ந்த இருவரையும் விசேட அதிரடிப் படையினர் மானிப்பாய் பொலிஸாரிடம் ஒப்படைத்துள்ளனர்.

கைது செய்யப்பட்ட இருவரையும் யாழ்.நீதிவான் நீதிமன்றத்தில் ஆஜர்ப்படுத்துவதற்கான நடவடிக்கையினை மானிப்பாய் பொலிஸார் மேற்கொண்டு வருகின்றனர்.