வாகன விபத்து: ஒரே குடும்பத்தைச் சேர்ந்த மூவர் உயிரிழப்பு

இரத்தினபுரி படுகெதர பகுதியில் இடம்பெற்ற வாகன விபத்தில் ஒரே குடும்பத்தினை சேர்ந்த மூவர் உயிரிழந்துள்ளனர்.

இந்த விபத்தில் 5 பேர் காயமடைந்துள்ளதாக தெரிவிக்கப்படுகின்றது.

இந்த விபத்துச் சம்பவம் நேற்று (வியாழக்கிழமை) இரவு 11.50 மணியளவில் இடம்பெற்றுள்ளது.

கார் மற்றும் கெப் ரக வாகனமொன்றும் நேருக்கு நேர் மோதுண்டதினால் குறித்த விபத்து நேர்ந்துள்ளதாக பொலிசார் தெரிவித்துள்ளனர்.

இதன்போது காரில் பயணித்த ஒரே குடும்பத்தினை சேர்ந்த 3 பேர் சம்பவயிடத்திலேயே உயிரிழந்துள்ளனர்.

குறித்த விபத்தில் உயிரிழந்தவர்கள் அம்பாறை பகுதியினை சேர்ந்தவர்கள் என கூறப்படும் அதேவேளை, காயமடைந்தவர்கள் இரத்தினபுரி வைத்தியசாலையில் சிகிச்சைக்காக அனுமதிக்கப்பட்டுள்ளதாக இரத்தினபுரி பொலிஸார் தெரிவித்துள்ளனர்.