பச்சிலைப்பள்ளி பிரதேச செயலாளர் பிரிவுக்கு உட்பட்ட வேம்போடுகேணி கிராம அலுவலர் பிரிவிற்கு உட்பட்ட இந்திராபுரம் குடியிருப்புப் பகுதியில் நேற்றுமுன்தினம் கண்ணிவெடி அகற்றும் பணியில் ஈடுபட்டிருந்த மனிதாபிமான கண்ணிவெடி அகற்றும் பிரிவினரால் 500 கிலோகிராம் கிபிர் குண்டு கண்டுபிடிக்கப்பட்டிருந்தது.
இந்நிலையில் நேற்று (வியாழக்கிழமை) பளைப் பொலிசாரால் இந்திராபுரம் பகுதியில் இருந்து சுமார் இரண்டு கிலோமிற்றர் சுற்றளவில் உள்ள கிராம மக்களை வெளியேறுமாறு ஒலிபெருக்கி மூலம் அறிவிக்கப்பட்டது
அத்துடன் வயதானோர்களை வாகனங்களிலும் பொலிசார் ஏற்றி அக் கிராமத்தை விட்டு அப்புறப்படுத்தி உள்ளனர்.
பின்னர் நேற்று (வியாழக்கிழமை) மாலை இந்திராபுரம் பகுதிக்கு விமானப் படையினர் வருகை தந்தனர்.
பின் குறித்த கிபிர்க் குண்டினை சுமார் பத்து அடிக் குழி ஒன்றினைத் தோண்டி அதனுள் வீழ்த்தியே நான்குமணி ஒரு நிமிடத்திற்கு செயலிழக்க செய்துள்ளனர்.
No comments:
Post a Comment