சற்றுமுன்.. யாழ்.மானிப்பாயில் இளைஞன் மீது வாள்வெட்டு

யாழ்.மானிப்பாய் பகுதியில் வாள்வெட்டு சம்பவம் ஒன்று இடம்பெற்றுள்ளதாக தெரியவருகிறது.

மானிப்பாய் கூழாவடி பகுதியில் இன்று (ஞாயிற்றுக்கிழமை) மாலை 6.45 மணியளவில் இளைஞன் ஒருவர் மீது சரமாரியாக வாள்வெட்டு மேற்கொள்ளப்பட்டுள்ளதாக தெரிவிக்கப்படுகிறது.

மானிப்பாய் கூழாவடி வீதியில் அண்ணன் தம்பி இருவர் சென்றபோது பின்னால் வந்தவர்கள் வாள்வெட்டு தாக்குதலை மேற்கொண்டதாக செய்திகள் வெளியாகியுள்ளன.

குறித்த வாள்வெட்டு சம்பவத்தில் மானிப்பாயைச் சேர்ந்த 22 வயதான விஜிதரன் இரண்டு கைகளிலும் காயமடைந்த நிலையில் யாழ்.போதனா வைத்தியசாலையில் அனுமதிக்கப்பட்டுள்ளார்.

இச்சம்பவம் தொடர்பான விசாரணையினை பொலிசார் மேற்கொண்டுள்ளனர்.