இந்தியாவிலிருந்து டிங்கி படகில் இலங்கை சென்றவர்களுக்கு நேர்ந்த கதி!

 இந்தியாவிலிருந்து சட்டவிரோதமாக படகு மூலம் தாயகம் திரும்பிய ஏழுபேரை வடக்கு கடற்பரப்பில் வைத்து இலங்கை கடற்படையினர் கைது செய்துள்ளனர்.

காங்கேசன்துறையிலிருந்து 11 கடல் மைல் தொலைவில் வைத்து அவர்கள் கைது செய்யப்பட்டுள்ளனர்.

இரண்டு படகோட்டிகளுடன் இரண்டு பெண்கள், இரண்டு ஆண்களுடன் சிறுவன் ஒருவன் ஆகியோரே கைதானவர்கள்.

இவர்கள் இந்தியாவிலிருந்து சட்டவிரோதமாக டிங்கி படகின் ஊடாக கடல் மார்க்கமாக இலங்கைக்கு வருகை தந்துள்ளனர் என கடற்படையினர் தெரிவித்துள்ளனர்.

மேலதிக விசாரணைகளை மேற்கொள்ளப்படுகிறது.