ஜேர்மனில் தாக்குதல்: ஒருவர் உயிரிழப்பு

ஜேர்மனியில் இடம்பெற்ற கத்திக் குத்து தாக்குதலில் ஒருவர் கொல்லப்பட்டுள்ளதாக தெரிவிக்கப்படுகிறது.

மேலும் பலர் காயமடைந்துள்ளதாக அங்கிருந்து கிடைக்கும் செய்திகள் தெரிவிக்கின்றன

வடக்கு ஜேர்மன், Hamburg பகுதியில் உள்ள சந்தையில் இந்த கத்திக் குத்து தாக்குதல் இடம்பெற்றதாகவும்  ஜேர்மன் நேரடிப்படி இன்று (வெள்ளிக்கிழமை) பிற்பகல் 3 மணியளவில் இச்சம்பவம் இடம்பெற்றதாகவும் கூறப்படுகிறது.

நபர் ஒருவர் Barmbek அருகில் உள்ள சந்தைக்குள் வேகமாக ஒடி வந்து கத்தியால் வாடிக்கையாளர்களை தாக்கியுள்ளதாக பொலிஸார் தெரிவித்துள்ளனர்.

இதன்போது ஒருவர் உயிரிந்துள்ளதுடன் பலர் காயமடைந்துள்ளதாக பொலிஸ் பேச்சாளர் Heike Uhde தெரிவித்துள்ளார்.

குறித்த தாக்குதலை நடத்தியவர் அங்கிருந்து தப்பிச் சென்றதாகவும், இருப்பினும் அரை மணி நேரத்தில் குறித்த நபர் கண்டுபிடிக்கப்பட்டு கைது செய்யப்பட்டதாகவும் கூறப்படுகிறது.

சம்பவம் இடம்பெற்ற இடத்தில் இருந்து பொது மக்களை வெளியேறுமாறு பொலிஸார் எச்சரிக்கை விடுத்துள்ளனர்.