அரசை விமர்சிக்கும் அமைச்சர்கள் வெட்கம்கெட்டு பதவியில் நீடிக்கின்றனர்!

நல்லாட்சி அரசாங்கம் அண்ணாந்து பார்த்து, தன் முகத்தில்தானே துப்பிக் கொள்வதாக முன்னாள் ஜனாதிபதி மகிந்த ராஜபக்ச கூறியுள்ளார்

ஊடகமொன்றுக்கு கருத்து வெளியிடும்போதே அவர் மேற்கண்டவாறு கூறியுள்ளார்.

தற்போதைய நல்லாட்சி அரசின் அமைச்சர்களே அரசாங்கத்தையும் அதன் செயற்பாடுகளையும் பகிரங்கமாக விமர்ச்சிக்கின்றனர் எனவும், உலகில் எந்தவொரு அரசாங்கத்தையும் அதன் அமைச்சர்களே விமர்சித்த வரலாறு கிடையாது என்றும் கூறினார்.

ஆனால் நல்லாட்சி அரசாங்கத்தில் அவ்வாறு நடக்கின்றது. அந்தவகையில் இந்த அரசாங்கம் அண்ணாந்து பார்த்து தன் முகத்தில் தானே காறித்துப்பிக் கொள்கின்றது.

அரசாங்கத்தை மட்டுமன்றி சக அமைச்சர்களையும் விமர்சித்துக் கொண்டு வெட்கம் கெட்டுப்போய் தங்கள் பதவிகளில் தொடர்ந்திருக்கின்றார்கள் என்றும் மஹிந்த ராஜபக்‌ச விசனம் வெளியிட்டுள்ளார்.