நோயாளி போல வைத்­தி­ய­சா­லையில் தங்கி திருட்டில் ஈடுபட்ட நபர் கைது!!

நோயாளி போல வைத்­தி­ய­சா­லையில் சிகிச்­சைக்­காகத் தங்கி ஏனைய நோயா­ளி­களின் பெறு­ம­தி­யான பொருட்­களைத் திருடிச் சென்ற நபரொருவரை சிலாபம் பொலிஸார் இன்று கைதுச்செய்துள்ளனர்.

குறித்த சந்­தேக நபர் சிலாபம் வைத்­தி­ய­சா­லையில் சிகிச்சை பெற்று வந்த நோயாளி ஒரு­வரின் பெறு­ம­தி­யான கைத்­தொ­லை­பே­சியைத் திரு­டி­யுள்ளார்.

பின்னர் அந்த கைத்­தொ­லை­பேசி புத்­தளம் பிர­தே­சத்தைச் சேர்ந்த ஒரு­வ­ரி­ட­மி­ருந்து மீட்­கப்­பட்­டுள்­ள­தா­கவும்  சிலாபம் பொலிஸார் தெரி­வித்­தனர்.

மாதம்பை பிர­தே­சத்தைச் சேர்ந்த நபர் ஒருவரே சுக­யீனம் கார­ண­மாக சிலாபம் வைத்­தி­ய­சா­லையில் அனு­ம­திக்­கப்­பட்­டி­ருந்­துள்ளார். அவ­ரது கட்­டி­லுக்கு அரு­கி­லி­ருந்த மற்­றொரு நோயா­ளி­யுடன் இவர் நட்­பா­கி­யுள்ளார்.

மாதம்பை நோயாளி ஒரு நாள் மல­ச­ல­கூ­டத்­துக்குச் சென்­று­விட்டு வந்து பார்த்த போது கட்­டிலின் தலை­ய­ணைக்கு கீழ்   வைக்­கப்­பட்­டி­ருந்த சுமார் 30 ஆயிரம் ரூபா  பெறு­ம­தி­யான கைத்­தொ­லை­பேசி காணாமல் போயி­ருந்­த­தோடு பக்­கத்து கட்­டி­லி­லி­ருந்த நோயா­ளியும் காணாமல் போயி­ருந்­துள்­ள­தை­ய­டுத்து அவர் அது தொடர்பில் சிலாபம் பொலிஸ் நிலை­யத்தில் முறைப்­பாடு செய்­துள்ளார்.

இந்த முறைப்­பாட்­டை­ய­டுத்து விசா­ர­ணை­களை ஆரம்­பித்த சிலாபம் பொலி­ஸா­ருக்கு காணாமல் போன நோயாளி வைத்­தி­ய­சா­லையில் வழங்­கி­யி­ருந்த பெயர், முக­வரி போன்­ற­ன­வற்றை விசா­ரித்த போது அவை போலி­யா­னது என்றும், அவர் வைத்­தி­ய­சா­லை­களில் பொய்­யான நோய்­களைக் கூறி தங்­கி­யி­ருந்து நோயா­ளர்­களின் பெறு­ம­தி­யான பொருட்­களைத் திருடிச் செல்­பவர் என்றும் தெரி­ய­வந்­துள்­ளது.