தலைக்கவசம் அணிந்து வங்கியில் கொள்ளை!

இரத்மலானை அத்தியட்டிய பிரதேசத்தில் அமைந்துள்ள கொமர்ஷல் வங்கியில் நேற்று நண்பகல் இடம்பெற்ற கொள்ளைச்சம்பவத்தில் 34 இலட்சத்துக்கு அதிகமான பணம் கொள்ளையடிக்கப்பட்டுள்ளதாக பொலிஸ் ஊடக தகவல் வெளியாகியுள்ளது.

இதுதொடர்பில் கல்கில்சை பொலிஸார் விசாரணைகளை மேற்கொண்டு வருவதாகவும் தெரியவருகின்றது.

முற்று முழுதாக மறைக்கப்பட்ட தலைகவசமொன்றை அணிந்திருந்த கொள்ளையர்கள் பாதுகாப்பு அதிகாரிகளை தாக்கிவிட்டு வங்கியிலிருந்த வாடிக்கையாளர்களிடமிருந்து பணத்தை பறித்துச் சென்றுள்ளனர்.

இச்சம்பவத்தில் பாதுகாப்பு அதிகாரியொருவர் உயிரிழந்துள்ளார்.

மேலும் ஒருவர் பலத்த காயங்களுடன் வைத்தியசாலையில் சிகிச்சைப் பெற்றுவருவதாக தெரிவிக்கப்படுகிறது.