வடமராட்சியில் குடும்பஸ்தர் மீது வாள்வெட்டு!

யாழ். வடமராட்சி அல்வாய் பகுதியில் வாள்வெட்டு சம்பவம் ஒன்று இடம்பெற்றுள்ளதாக தெரியவருகிறது.

இனந்தெரியாத மர்ம நபர்களின் இந்த வாள்வெட்டு சம்பவத்திற்கு குடும்பஸ்தர் ஒருவர் படுகாயமடைந்துள்ளார்.

குறித்த சம்பவம் நேற்று (10) இடம்பெற்றுள்ளதாக தெரிவிக்கப்படும் நிலையில், குறித்த வாள்வெட்டு சம்பவத்திற்கு இலக்காகி படுகாயமடைந்தவர் பருத்தித்துறை ஆதார வைத்தியசாலையில் அனுமதிக்கப்பட்டுள்ளார்.

அல்வாய் வடக்கு முத்துமாரியம்மன் கோவிலடியைச் சேர்ந்த சின்னத்தம்பி கமல்ராஜ் (வயது-53) என்பவரே வாள்வெட்டுக்கு இலக்காகியுள்ளார்.

இந்த வாள்வெட்டு சம்பவம் தொடர்பில் பருத்தித்துறை பொலிசார் மேலதிக விசாரணையினை முன்னெடுத்துள்ளனர்.