கனகராயன்குளத்தில் இன்று நடந்த விபத்து: ஒருவர் உயிரிழப்பு!!

கனகராயன்குளம் குறிசுட்டகுளம் சந்திக்கருகில் A9 வீதியில் மோட்டார் சைக்கிளும் துவிச்சக்கர வண்டியும் மோதி விபத்துக்குள்ளானதில் ஒருவர் உயிரிழந்துள்ளார்.

இன்று (வெள்ளிக்கிழமை) நண்பகலில் இடம்பெற்ற விபத்தில் இராசரத்தினம் பாலசிங்கம் (வயது 62 ) என்றவரே ஸ்தலத்திலேயே பலியாகியுள்ளார்.

இவர் குறிசுட்டகுளத்தில் வசித்து வருபவர் என தெரியவந்துள்ளது.

இதேவேளை மோட்டார் சைக்கிளில் சென்ற இரு இளைஞர்களில் ஒருவர் காயமடைந்துள்ளதாகவும் தெரிவிக்கப்படுகிறது.