காரைநகரில் விபத்து: வெளிநாட்டிலிருந்து வந்த இளைஞன் பலி.

காரைநகர் களபூமி பகுதியில் நேற்று (சனிக்கிழமை) இடம்பெற்ற விபத்தில் ஸ்தலத்திலேயே இளைஞன் ஒருவர் பலியாகியுள்ளார்.

குறித்த மோட்டார் சைக்கிள் விபத்தில் காரைநகரைச் சேர்ந்த 24 வயது இளைஞனே உயிரிழந்துள்ளார்.

வெளிநாட்டிலிருந்து கோயில் திருவிழாவிற்காக வந்த குறித்த இளைஞன் தனது உறவினருடன் கோயிலுக்கு சென்று கொண்டிருந்தபோதே இந்த விபத்து ஏற்பட்டுள்ளதாக தெரியவருகிறது.

மோட்டார் சைக்கிள் வேகக் கட்டுப்பாட்டை இழந்து வீதியருகே இருந்த பனை மரத்துடன் மோதியதில் இந்த விபத்து சம்பவித்துள்ளது.

இதேவேளை இந்த விபத்தில் மோட்டார் சைக்கிளை ஓட்டிச்சென்றவர் ஸ்தலத்திலேயே உயிரிழந்துள்ளார்.

மற்றையவர் மேலதிக சிகிச்சைக்காக யாழ்.போதனா வைத்தியசாலைக்கு மாற்றப்பட்டுள்ளார்.