இலங்கைக்கு எதிரான 2வது டெஸ்ட் இன்று தொடக்கம்: களமிறங்கும் தினேஷ் சந்திமால்!

இந்தியா – இலங்கை அணிகள் இடையிலான 2-வது டெஸ்ட் போட்டி கொழும்பில் இன்று (வியாழக்கிழமை) தொடங்குகிறது.

இலங்கை அணிக்கு எதிரான 3 டெஸ்ட் போட்டிகள் கொண்ட தொடரில் காலே நகரில் நடைபெற்ற முதல் ஆட்டத்தில் இந்திய அணி 304 ரன்கள் வித்தியாசத்தில் வெற்றி பெற்றது.

இதன் மூலம் டெஸ்ட் தொடரில் இந்திய அணி 1-0 என முன்னிலை வகிக்கிறது. இந்நிலையில் 2வது டெஸ்ட் இன்று கொழும்பு நகரில் தொடங்குகிறது.

இன்றைய டெஸ்ட்டில் கேப்டன் தினேஷ் சந்திமால் களமிறங்க உள்ளார்.

நிமோனியா காய்ச்சலில் இருந்து அவர் குணமடைந்து அணிக்கு திரும்பி இருப்பது வீரர்களிடையே நம்பிக்கையை அதிகரித்துள்ளது.