யாழ்ப்பாணம் கொக்குவில் பிரதேசத்தில் பொலிசார் மீது தாக்குதலை மேற்கொண்டவர்கள் முன்னாள் போராளிகள் என பொலிசார் கூறுவது உண்மைக்குப் புறம்பானது என சட்டத்தரணியும், சமூக செயற்பாட்டாளருமான சுகாஸ் கனகரத்தினம் தெரிவித்துள்ளார்.
இச்சம்பவம் தொடர்பாக அவர் தனது பேஸ்புக் பதிவில் கூறியிருப்பதாவது;
பொலிஸாரை வாளால் வெட்டியமை தொடர்பான வழக்கில் கைதுசெய்யப்பட்ட இருவரில் யாரும் முன்னாள் போராளி இல்லை.
அவர்களில் ஒருவருக்கு ஆஜராகின்ற சட்டத்தரணி என்ற வகையில் பொறுப்போடு தெரிவிக்கின்றேன்…
உண்மையான குற்றவாளிகள் கைதுசெய்யப்பட்டு தண்டிக்கப்படவேண்டும்…அப்பாவிகளின் கைதுகள் தடுக்கப்பட வேண்டும்…நீதிக்கான போராட்டம் தொடரும்… எனப் பதிவிட்டுள்ளார்.
அண்மையில்,யாழ் கொக்குவிலில் மோட்டார் சைக்கிளில் வந்த 10இற்கும் மேற்பட்டவர்கள், தமிழ், சிங்கள பொலிசார் இருவரை வாளால் தாக்குதல் மேற்கொண்டிருந்தனர்.
இதில் ஈடுபட்ட அனைவரும் முன்னாள் போராளிகள் என பொலிஸ்மா அதிபர் பூஜித ஜெயசுந்தர தெரிவித்திருந்தார் என்பதும் குறிப்பிடத்தக்கது.
No comments:
Post a Comment