சமுர்த்தி பயனாளிகள் போராட்டம்..!!

சமுர்த்தி பயனாளிகளின் போராட்டம் அமைச்சர் விஜயகலா மகேஸ்வரனின் உறுதி மொழியினால் கைவிடப்பட்டது…

காரைநகர் பிரதேச செயலகத்திற்கு முன்னால் சமுர்த்தி பயனாளிகள் முற்றுகை போராட்டத்தில் ஈடுபட்டதோடு பிரதேச செயலகத்தை இயங்க விடாது கதவினையும் பூட்டி போராட்டத்தில் ஈடுபட்டிருந்தனர்.

பிரதேச செயலரையும் செயலகத்திற்கும் செல்லவிடாதவாறு போராட்டக்காரர்கள் தடுத்திருந்தனர்.

அமைச்சர் விஜயகலா மகேஸ்வரன் அவ்விடத்திற்கு விஐயம் மேற்கொண்டு போராட்டத்தில் ஈடுபட்டுள்ளவர்களுடன் கலந்துரையாடி பிரதேச செயலகத்தின் மாநாட்டு மண்டபத்தில் பயனாளிகளுடன் ஒரு கலந்துரையாடலையும் ஏற்பாடு செய்திருந்தார்….

சமுர்த்தி அமைச்சர் எஸ் பி திசாநாயக்கவுடன் கலந்துரையாடி உரிய தீர்வினை பெற்று தருவதாக அமைச்சர் விஐயகலா மகேஸ்வரன் உறுதியளித்ததை அடுத்து சமுர்த்தி பயனாளிகளின் போராட்டம் கைவிடப்பட்டது..

கடந்த 10 வருடங்களாக சமுர்த்தி நிவாரணம் பெற்று வந்த காரை நகர் பகுதி மக்கள் காரைநகர் பிரதேச செயலகத்திற்கு முன்னால் மூன்று மாதத்திற்கு முன்னர் இடம்பெற்ற சமுர்த்தி மீளாய்வின் போது தாம் புறக்கணிக்கப்பட்டதாகவும் தமக்கு சமுர்த்தி நிவாரணம் வழங்கப்படவேண்டும் எனவும் கோரிக்கையை முன்வைத்து காரை நகர் பிரதேச செயலகத்திற்கு முன்னால் போராட்டத்தில் ஈடுபட்டு வந்தமை குறிப்பிடத்தக்கது..