ஆவா குழுவினர் என்பது புலிகள் இல்லை!

வடக்கின் தாக்குதல்களுக்கு புலிகளின் பெயர் பயன்படுத்துவது ஏற்கத் தகாதது என புதிய இராணுவத் தளபதி லெப்டினன் ஜெனரல் மஹேஷ் சேனாநாயக்க தெரிவித்துள்ளார்.

அத்துடன் வடக்கில் இடம்பெறும் சட்டவிரோத செயற்பாடுகளில் ஆவா குழுவினர் என்பது புலிகள் இல்லையெனவும் அவர் கூறியுள்ளார்.

வடக்கின் பாதுகாப்பு நிலைமைகள் தொடர்பில் ஆங்கில ஊடகமொன்றுக்கு வழங்கிய செவ்வியிலேயே அவர் மேற்கண்டவாறு தெரிவித்துள்ளார்.

அவர் மேலும் கூறியதாவது;

வடக்கில் அண்மைக்காலமாக அசம்பாவித சம்பவங்கள் அதிகரித்துள்ளன.

இந்நிலையில், இவ்வாறான சம்பங்களுக்கு புனர்வாழ்வளிக்கப்பட்ட முன்னாள் போராளிகளே காரணம் என தவறான கருத்து மக்கள் மத்தியில் பரப்பப்பட்டு வருகிறது.

இவ்வாறு சட்டத்தை மதிக்காது செயற்படுவோரை முன்னாள் போராளிகள் என கூறுவது ஏற்க முடியாது.

அத்துடன் வடக்கு, கிழக்கின் பாதுகாப்பு தொடர்பில் இராணுவம் தொடர்ந்து கண்காணித்து வருகிறது எனக் குறிப்பிட்டுள்ளார்.