யானைக்கும் அடி சறுக்கும் ! உசைன் போல்ட்டுக்கு நடந்தது என்ன ? தங்கமில்லாது முடிந்தது அத்தியாயம்

உலகின் சிறந்த தடகள வீரரான ஜமைக்காவின் அதிவேக மனிதன் உசைன் போல்ட் தனது இறுதி சர்வதேச போட்டியில் ஓடிக்கொண்டிருந்த போது திடீரென கீழே வீழ்ந்ததால் பெரும் பரபரப்பை ஏற்படுத்தியுள்ளது.

இலண்டனில் இடம்பெறும் சர்வதேச தடகள சம்பியன்ஷிப் போட்டியில் உசைன் போல்ட்க்கான இறுதிப் போட்டி நேற்றைய தினம் இடம்பெற்றது.

இதன்போது, தனது இறுதி 4x100 மீற்றர் ஓட்டப் போட்டியில் இறுதியில்  உசைன் போல்ட் ஓடிக் கொண்டிருந்த போது திடீர் என கிழே வீழ்ந்துள்ளார்.

இதன் காரணமாக தனது இறுதிப் போட்டியிலும் தடகள வாழ்வின் இறுதி சர்வதேசப் போட்டியிலும் தங்கம் வெல்ல விரும்பிய உசைன் போல்ட்டின் கனவு இறுதியில் நிறைவேறாமல் போயுள்ளது.

கடந்த காலங்களில் 100 மற்றும் 200 மீற்றர் ஓட்டப் பந்தயங்களில் உலக சாதனை படைத்த உசைன் போல்ட் , 14 உலக சாம்பியன் பதக்கங்களையும், 8 ஒலிம்பிக்க பதக்கத்துடன் தனது சர்வதேச தடகள விளையாட்டுப் போட்டிகளில் இருந்து விடை பெற்றார்.