அடுப்பில் விழுந்த பச்சிளம் குழந்தை!!

பொகவந்தலாவ, குயினா தோட்டத்தில் அடுப்பில் தவறி விழுந்த  இரண்டு மாத குழந்தை மேலதிக சிகிச்சைகளுக்காக கண்டி வைத்தியசாலைக்கு மாற்றப்பட்டுள்ளார்.

இந்த சம்பவம் தொடர்பில் குழந்தையின் தாயாரிடம் விசாரணைகளை முன்னெடுப்பதற்கு பொகவந்தலாவ பொலிஸார் கண்டி வைத்தியசாலைக்கு இன்று விஜயம் செய்துள்ளனர்.

கடந்த 20ஆம் திகதி ஞாயிற்றுக்கிழமை மாலை வேளையில், குழந்தை அடுப்பில் தவறி விழுந்ததாக குழந்தையின் தாயார் கூறியுள்ளார்.

எனவே பாரிய தீக்காயங்களுடன் அக்குழந்தை பொகவந்தலாவ வைத்தியசாலையில் அனுமதிக்கப்பட்டார்.

இதில் அனுஷா குமாரி என்ற இரண்டு மாத குழந்தை பாரிய தீக்காயங்களுக்குள்ளான நிலையில் தற்போது மேலதிக சிகிச்சைக்காக கண்டி வைத்தியசாலைக்கு மாற்றப்பட்டுள்ளார்.

இது குறித்து விசாரணையே மேற்கொண்ட பொலிஸார், வீட்டின் சமையலறை பகுதியில், குழந்தை உறங்குவதற்கு கட்டப்பட்ட தொட்டிலுக்கு கீழாக கவிழ்ந்து கிடந்த நிலையில் குப்பி லாம்பு ஒன்றை மீட்டுள்ளனர்.

காற்றினால் அசைந்த தொட்டிலில் குப்பி லாம்பின் தீ பரவியதால் இந்த தீ விபத்து ஏற்பட்டிருக்கலாம் என பொலிஸார் சந்தேகிக்கின்றனர்.

மேலும், குழந்தைக்கு ஏற்பட்ட இந்த அவல நிலை குறித்து மேலதிக விசாரணையை தாயாரிடம் மேற்கொள்ள பொகவந்தலாவ பொலிஸ் நிலைய அதிகாரிகள் கண்டி வைத்தியசாலைக்கு சென்றுள்ளதாக பொலிஸார் தெரிவித்துள்ளனர்.