"நாட்டில் எதிர்­வரும் நாட்­களில் ஏற்படபோகும் மாற்றம்"

நாட்டின் பல பகு­தி­களில் எதிர்­வரும் நாட்­களில் மழை அல்­லது இடி­யுடன் கூடிய மழை பெய்­வ­தற்­கான சாத்­தி­யங்கள் இருப்­ப­தாக  வளி­மண்­ட­ல­வியல் திணைக்­களம் கூறி­யுள்­ளது.

இது தொடர்பில் வளி­மண்­ட­ல­வியல் திணைக்­களம் வௌியிட்­டுள்ள அவ்­வ­றிக்­கையில் தெரி­விக்­கப்­பட்­டுள்­ள­தா­வது,

எதிர்­வரும் நாட்­களில் நாட்டின் பல பகு­தி­களில் மழை அல்­லது இடி­யுடன் கூடிய மழை பெய்­யக்­கூ­டிய சாத்­தி­யங்கள் காணப்­ப­டு­கின்றன.

குறிப்­பாக ஊவா மாகாணம் மற்றும் யாழ்ப்­பாணம், மன்னார், கேகாலை, அவி­சா­வளை, மாது­று­ஓயா, பொத்­துவில் ஆகிய பிர­தே­சங்­களில் அடுத்த சில நாட்­களில் மழை அல்­லது இடி­யுடன் கூடிய மழை வீழ்ச்சி கிடைக்கும். அச்­சந்­தர்ப்­பங்­களில் குறித்த பகு­தி­களில் பலத்த காற்று வீசக்­கூடும்.

இந்­நி­லையில் யாழ் மாவட்­டத்தின் சில இடங்­களில் மணிக்கு சுமார் 50 மில்­லி­மீற்றர் கன­மழை பெய்­யக்­கூடும். நாட்டின் மேற்கு, தெற்கு, சப்­ர­க­முவ மாகா­ணங்­க­ளிலும், கம்­பஹா, களுத்­துறை மற்றும் புத்­தளம் மாவட்­டத்தின் சில பகு­தி­க­ளிலும் ஓர­ளவு மழை பெய்­யலாம். திரு­கோ­ண­மலை மாவட்­டத்தின் சில இடங்­களில் பிற்­பகல் 2.00 மணியின் பின்னர் மழை அல்­லது இடி­யுடன் கூடிய மழை பெய்­யக்­கூடும். இவ்­வாறு தொடர்ச்­சி­யான மழை வீழ்ச்சி பதி­வாகும் சந்­தர்ப்­பத்தில் நாட்டின் வடக்கு, கிழக்கு உள்­ளிட்ட பகு­தி­களில் தற்­போது நிலவி வரும் வரட்­சி­யான சூழல் குறை­வ­டை­வ­தற்­கான வாய்ப்­புக்கள் இருக்­கின்­றன.

இடி­யுடன் கூடிய மழை பொழியும் சந்­தர்ப்­பங்­களில் பலத்த காற்றும், மின்னல் தாக்­கங்­களும் ஏற்­ப­டுக்­க­கூடும். இந்­நே­ரங்­களில் பொது­மக்கள் பாது­காப்­பா­கவும், விழிப்­பு­ணர்­வு­டனும் செயற்­ப­டு­மாறும், மேக­மூட்­டத்­து­ட­னான வானிலை காணப்படும் சந்தர்ப்பங்களில் வீதிகளில் பயணிக்கும் வாகன சாரதிகள் மிகுந்த அவதானத்துடன் செயற்படுமாறும் வளிமண்டல திணைக்களம் கோரிக்கை விடுத்துள்ளது.