வெளிநாட்டிலிருந்து வந்து யாழ்ப்பாணம் சென்றவருக்கு நேர்ந்த கதி!

யாழ்ப்பாணம் – கண்டி ஏ 9 பிரதான வீதியில் இடம்பெற்ற கோரவிபத்தில் இருவர் பலத்த காயங்களுடன் வவுனியா வைத்தியசாலையில் அனுமதிக்கப்பட்டுள்ளதாக பொலிஸ் ஊடகபிரிவு தெரிவித்துள்ளது.

இன்று (செவ்வாய்க்கிழமை) அதிகாலை குறித்த விபத்து இடம்பெற்றுள்ளது.

வெளிநாட்டிலிருந்து இலங்கைக்கு வந்தவர்களை கட்டுநாயக்க விமான நிலையத்திலிருந்து யாழ்ப்பாணத்திற்கு அழைத்துச் செல்கையிலேயே மேற்படி கோர விபத்து இடம்பெற்றுள்ளது.

இச்சம்பவத்தில் காயமடைந்த வாகன சாரதி விபத்து இடம்பெற்று 30 நிமிடங்களுக்கு மேல் வாகனத்திற்குள்ளேயே இறுகியிருந்த நிலையில் அயலவர்கள் பெரும் சிரமங்களுக்கு மத்தியிலேயே வெளியே எடுத்துள்ளனர்.

இச்சம்பவம் தொடர்பாக பொலிஸார் மேற்கொண்ட ஆரம்ப கட்ட விசாரணைகளில் வாகன சாரதியின் தூக்கமின்மையே விபத்திற்கு காரணமென தெரியவந்துள்ளது.