தமிழ்,சிங்கள பொலிசார் மீதான வாள்வெட்டு: சற்று முன் ஒருவர் கைது?

கோப்பாய் பொலிசார் மீதான வாள்வெட்டின் முக்கிய நபர் ஒருவரை கைதுசெய்துள்ளதாக யாழ்ப்பாணம் பொலிஸ் நிலைய தகவல்கள் தெரிவிக்கின்றன.

கடந்தவாரம் கொக்குவில் பகுதியில் கோப்பாய் பொலிஸ் நிலையத்தினைச் சேர்ந்த இரு பொலிஸார் மீது ஆவாகுழுவினைச் சேர்ந்த 10 ற்கும் மேற்பட்ட நபர்கள் வாள்வெட்டினை மேற்கொண்டிருந்தனர்.

வாள்வெட்டிற்கு இலக்காகிய இரு பொலிஸாரும் யாழ்.போதனா வைத்தியசாலையில் அவசர சிகிச்சைப் பிரிவில் அனுமதிக்கப்பட்டுள்ள நிலையில், பொலிஸ் மற்றும் விசேட அதிரடிப்படையினர் யாழில் தேடுதல் வேட்டையில் இறங்கியிருந்தனர்.

இந்நிலையில், ஆவா குழுவின் முக்கிய நபர்கள் 6 பேர் அடையாளம் காணப்பட்டுள்ளதாக பொலிஸ்மா அதிபர் தெரிவித்திருந்தார்.

இந்நிலையில் இன்று  (செவ்வாய்க்கிழமை) ஆவா குழுவின் பிரதான நபர் ஒருவரை கைதுசெய்துள்ளதாக யாழ்ப்பாணம் பொலிஸ் நிலைய தகவல்கள் தெரிவிக்கின்றன.