ஆலயத்திற்கு அருகே ஆயுதங்கள் மீட்பு

யாழ்ப்பாணத்தில் ஆலயத்திற்கு அருகே ஆயுதங்கள் மீட்கப்பட்டுள்ளதாக தெரிவிக்கப்படுகிறது.

பாழடைந்த கிணற்றில் இருந்து வெடி பொருட்கள் மற்றும் இராணுவ உபகரணங்கள் மீட்கப்ட்டுள்ளதாக தெரிவிக்கப்படுகிறது.

யாழ்ப்பாணம், காரைநகர், ராஜராஜேஸ்வரி அம்மன் ஆலயத்திற்கு அருகிலிருந்து கிணற்றிலிருந்து இவை மீட்கப்பட்டுள்ளதாக பொலிசார் தெரிவித்துள்ளனர்.

நேற்று (29) கிணற்றை சுத்தப்படுத்தும் முயற்சியில் பொது மக்கள் ஈடுபட்டிருந்த போதே இந்த ஆயுதங்கள் கண்டுபிடிக்கப்பட்டுள்ளது.

பின்னர் பொதுமக்கள் கடற்படையினரிடம் தகவல் வழங்கியுள்ளனர்.

அதனடிப்படையில் கடற்படை மற்றும் பொலிஸார் தலையிட்டு அங்கிருந்து 14 கிளேமோர் குண்டுகள், 02 வெடி குண்டுகள் மற்றும் ஒரு அழுத்த குண்டும் மீட்கப்பட்டுள்ளது.

மீட்கப்பட்ட ஆயுதங்கள் மற்றும் இராணுவ உபகரணங்கள் பழையது என இராணுவம் கூறியுள்ளது.