பொலிசாரைத் துரத்தி துரத்தி வெட்டிய இளைஞர்கள்: யாழில் சம்பவம்

யாழ். கோப்பாய் பகுதியில் பொலிசார் இருவர் மீது வாள்வெட்டு தாக்குதல் மேற்கொள்ளப்பட்டுள்ளதாக தெரிவிக்கப்படுகிறது

குறித்த தாக்குதல் சம்பவமானது இன்று (ஞாயிற்றுக்கிழமை) இடம்பெற்றுள்ளதாகவும், அதேவேளை  இனந்தெரியாத நபர்கள் இத்தாக்குதலை நடத்திவிட்டு தப்பிச் சென்றுள்ளதாகவும் கூறப்படுகிறது.

எனினும் ஆவா குழுவினரே பொலிசாரை வெட்டி விட்டு தப்பிச்சென்றுள்ளதாகவும் செய்திகள் தெரிவிக்கின்றன.

வாள்வெட்டிற்கு இலக்காகி படுகாயமடைந்த இரு பொலிஸாரும் யாழ்.போதனா வைத்தியசாலை அதி தீவிர சிகிச்சைப்பிரிவில் அனுமதிக்கப்பட்டுள்ளனர்.

கொக்குவில் பொற்பதி வீதிப் பகுதியில் 4 மோட்டார் சைக்கிளில் வந்த 10 ற்கும் மேற்பட்ட இளைஞர்கள் துரத்தி துரத்தி வெட்டியுள்ளார்கள்.

யாழ்.கோப்பாய் பொலிஸ் நிலையத்தில் கடமையாற்றும் தமிழ் மற்றும் சிங்கள பொலிசார் இருவர் மீதே வாள்வெட்டு மேற்கொள்ளப்பட்டுள்ளது.

குறித்த இரு பொலிஸாரும் துப்பாக்கி கொண்டு செல்லாமல் பொது மக்களினால் செய்யப்பட்ட முறைப்பாடுகளை விசாரிப்பதற்காக சென்ற போதே இந்த தாக்குதல் சம்பவம் மேற்கொள்ளப்பட்டுள்ளது.

சம்பவத்தினைக் கண்ட பொதுமக்கள் பொலிஸாருக்கு தகவல் வழங்கியுள்ளனர்.

சம்பவ இடத்திற்கு சென்ற பொலிஸார் இருவரையும் யாழ்.போதனா வைத்தியசாலையில் அனுமதித்துள்ளதுடன், சம்பவம் தொடர்பான மேலதிக விசாரணைகளை கோப்பாய் பொலிசார் மேற்கொண்டு வருகின்றனர்.